21-09-2022
Elena Suárez y Carmen Pomar, diputadas do Partido Popular no Parlamento de Galicia visitaron onte as instalacións da UDIAF Salnés co obxecto de interesarse pola situación actual desta Unidade de Desenvolvemento Infantil e Apoio Familiar, servizo social comunitario específico da Rede Galega de Atención Temperá que atende a comarca do Salnés, financiado ao 100% pola Consellería de Política Social e xestionado pola Asociación Galega de Atención Temperá (AGAT) .
O obxecto da visita foi interesarse pola posibilidade de ampliar e mellorar as instalacións así como a ampliación do equipo para dar solución a demanda actual e a existencia de lista de espera.
A UDIAF atende anualmente un promedio de 140 nenos/as e as súas familias e está ubicado no centro sociocomunitario de Vilagarcía de Arousa.
Carmen Pomar é diputada por A Coruña, foi Conselleira de Educación e actualmente preside a Comisión de Discapacidade no Parlamento de Galicia.
Elena Suarez é diputada por Pontevedra e Vicepresidenta da Comisión de Educación no citado Parlamento
Na visita foron recibidos pola Coordinadora da Unidade, Gema Martínez, e polo Presidente da AGAT, Jaime Ponte, que lles ofreceron as memorias de actividades da Unidade, e informaron da situación do servizo.
Tanto os representantes do Partido Popular como os profesionais da AGAT expresaron a súa disposición a buscar solucións a actual situación no inmediato futuro.